Bota e inteligjencës artificiale po ndryshon me shpejtësi, dhe muajt e fundit kanë sjellë zhvillime të rëndësishme që prekin krijuesit e përmbajtjeve dixhitale dhe përdoruesit e rrjeteve sociale. Ja tre lajmërime që nuk duhet t’i humbisni:

1. YouTube penalizon videot me cilësi të ulët të krijuara nga AI

Që nga data 15 korrik, YouTube ka nxjerrë një politikë të re që favorizon videot origjinale me cilësi të lartë. Videot e krijuara me inteligjencë artificiale, veçanërisht ato me zë artificial dhe cilësi të dobët, apo videot e përsëritura, nuk do të jenë më të monetizueshme. Kjo masë synon të vlerësojë dhe mbrojë krijuesit e përmbajtjeve autentike dhe kreative.

2. Facebook po ndjek të njëjtën rrugë

Facebook po ndjek YouTube-n në këtë drejtim, duke paralajmëruar se videot e prodhuara nga AI me cilësi të ulët nuk do të kenë shumë shikime dhe mund të përballen me fshirje nga platforma. Kjo tregon një tendencë globale për të mbrojtur përmbajtjen origjinale dhe për të reduktuar përhapjen e përmbajtjeve të dobëta apo mashtruese.

3. Ligji i ri në Danimarkë kundër përdorimit të paautorizuar të fytyrës dhe zërit

Një tjetër zhvillim shumë i rëndësishëm vjen nga Danimarka, ku është miratuar një ligj që lejon qytetarët të hedhin në gjyq këdo që përdor fytyrën, zërin apo imazhin e tyre pa leje. Ky ligj synon të luftojë përdorimin keqdashës të inteligjencës artificiale dhe të mbrojë qytetarët nga manipulimi dhe dizinformimi.

Çfarë do të thotë kjo për ne?

Në një epokë ku deepfake dhe përmbajtjet e krijuara nga AI po përhapen me shpejtësi, këto masa ligjore dhe teknologjike janë një hap i madh përpara drejt mbrojtjes së së vërtetës dhe kreativitetit. A jeni gati të përballeni me sfidat e botës digjitale?

Në Shqipëri, deri tani, nuk kemi ende rregullore të tilla, por mbetet të shpresojmë për hapa të ngjashëm në të ardhmen.